28 декабри соли 2021 Директори Агентии амнияти ХБРЯ-и АМИТ бо мақсади амалӣ намудани лоиҳаи миллии Агентии Байналмилалии Нерӯи Атомӣ (АБНА), TAD5006 – Татбиқи усулҳои ядроӣ ва молекулярӣ барои ташхис ва назорати ҳайвоноти фаромарзӣ ба Институти ветеринарии Академияи илмҳои кишоварзии Тоҷикистон ташриф овард.

Дар мулоқот директори Агентии амнияти ХБРЯ-и АМИТ Илҳом Мирсаидзода,  президенти Академияи илмҳои кишоварзии Тоҷикистон Асозода Нуралӣ Маҳмадулло ва директори Институти ветеринарии Академияи илмҳои кишоварзии Тоҷикистон Атовуллозода Раҷабмурод иштирок намуданд.

Дар доираи лоиҳаи мазкур як маҷмӯи системаи батареяи офтобӣ таъмин карда шуда, 5 нафар мутахассиси ҷавон дар Македонияи Шимолӣ ва як нафар дар Австрия оид ба истифодаи таҷҳизот ва технологияҳои муосири ташхиси бемориҳои сироятии ҳайвонот, аз ҷумла зоонозҳо таҷриба омӯхтаанд.

Инчунин, дар доираи ҳамин лоиҳа ва бо мақсади гузаштани аккредитатсияи стандартҳои ISO 17025 ба нақша гирифта шудааст, ки Институти ветеринарии Академияи илмҳои кишоварзии Тоҷикистон дар системаи iVetNet ба қайд гирифта шавад.