Озмоишгоҳи омӯзиши касалиҳои паранда соли 1952, бахши омӯзиши касалиҳои занбӯри асал соли 2006 ва бахши омӯзиши касалиҳои моҳӣ соли 2010 таъсис ёфтааст. Бо фармони Раёсати АИКТ соли 2013 бахши омӯзиши касалиҳои занбӯри асал ва бахши омӯзиши касалиҳои моҳӣ ба озмоишгоҳи омӯзиши касалиҳои паранда илова карда шуда, озмоишгоҳи омӯзиши касалиҳои паранда, занбӯри асал ва моҳӣ таъсис дода шуд. Озмоишгоҳ дар самти омӯзиши вазъи эпизоотӣ, такмили методҳои ташхисӣ бо истифодаи усулҳои муосир, таҳияи дастуру тавсияномаҳо оид ба гузаронидани тадбирҳои пешгирикунандаи касалиҳои сироятӣ ва ғайрисироятии паранда, занбӯри асал ва моҳӣ фаъолият карда истодааст.

Дар баробари ин озмоишгоҳ оид ба роҳҳои мубориза бар зидди пайдоиш ва паҳншавии онҳо таҳқиқотҳои илмию инноватсиониро пешбарӣ менамояд, ки саҳми босазои олимон А.Бакаев, Попова З.В., Салимов Т.М, Негматов А.А., Ҳасанов Ф.Д., Шарипов М.А., Жбанова С.Ю., Ким Е.В. ва Ахмеджанова М.М. зиёд аст.