ИТТИФОҚИ КАСАБАИ КОРМАНДОНИ ИНСТИТУТИ ТИББИ ВЕТЕРИНАРӢ
Дар даврони Истиқлоли давлатии Ҷумҳурии Тоҷикистон якчанд маротиба шартномаи коллективӣ байни маъмурият ва Кумитаи иттифоқи касабаи Институти тибби ветеринарии Академияи илмҳои кишоварзии Тоҷикистон ба имзо расида, аз ҷониби шуъбаи Агентии меҳнат ва шуғли аҳолӣ дар ноҳияи Фирдавсии шаҳри Душанбе ба қайд гирифта шудааст.
Дар ин давра беш аз 450 суратҷаласаи Кумитаи иттифоқи касабаи кормандони институт гузаронида шуда, дар он зиёда аз 1000 масъала баррасӣ шудааст. Дар суратҷаласаҳо дархостҳо, аризаҳо, варақаҳои корношоямии кормандон, додани ёрдампулиҳо ба аъзои иттифоқи касаба, ташкил намудани хӯроки парҳезӣ барои кормандон, равон кардани фарзандони кормандони институт ба истироҳатгоҳҳои тобистона, равон кардани кормандон ба истироҳатгоҳҳо, кумак намудан ба хона — интернатҳо, ташкил намудани корҳои ободонӣ баррасӣ гардидаанд.
Кумитаи иттифоқи касабаи Институти тибби ветеринарии Академияи илмҳои кишоварзии Тоҷикистон дар арафаи Соли нав, Иди Сада, Иди байналмилалии Наврӯз, ҷашни Ваҳдати миллӣ, ҷашни Истиқлоли давлатӣ, ҷашни рӯзи забони давлатӣ, рӯзи Президенти Ҷумҳурии Тоҷикистон ва рӯзи Парчами давлатии Ҷумҳурии Тоҷикистон дар толори институт ҷаласаҳои идона баргузор намуда, ҳамзамон доир ба санадҳои меъёрии ҳуқуқии танзимкунандаи кору фаъолияти кормандон корҳои фаҳмондадиҳӣ доир менамояд.
Ҳамзамон ҷиҳати иҷрои дастуру супоришҳое, ки аз паёмҳои Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон ба Маҷлиси Олии Ҷумҳурии Тоҷикистон бар меоянд, ташкили мизи мудаввар, корҳои фаҳмондадиҳӣ дар байни ҷавонон ҷиҳати идома додани ташаббускориҳои созанда, муаррифии дастовардҳои илмиву эҷодӣ, мубориза ба муқобили зуҳуроти номатлуб, аз даст надодани зиракии сиёсӣ, омода будан дар ҳифзи амнияти ҷомеа ва давлат, гиромӣ доштани таъриху фарҳанги халқи тоҷик, саъю талош варзидан барои ободию пешрафти минбаъдаи Ватан, сулҳу оромӣ, суботи сиёсӣ, ваҳдати миллӣ, таъмини амнияти озуқаворӣ, андешидани тадбирҳои иловагӣ ҷиҳати риояи муқаррароти қонунгузории Ҷумҳурии Тоҷикистон вобаста ба пешгирии исрофкорӣ, хароҷоти ғайримақсаднок ва дуюмдараҷа, ҷалби бештари ҷавонони болаёқат ба иҷрои корҳои илмию тадқиқотӣ, баланд бардоштани сатҳу сифати тайёр кардани кадрҳои илмӣ, омӯзиши илмҳои дақиқ, саҳмгузорӣ дар амалисозии ҳадафҳои стратегии давлат ва ҷалби олимони ҷавон ба тадқиқоту омӯзиш ва кашфу ихтирооти пешбарандаи истеҳсолот пайваста амалӣ карда мешаванд.
Бо кормандон ҳангоми вохӯриҳо ва мизҳои мудаввар масъалаҳои тарғибу ташвиқи моҳияти давлату давлатдории муосири миллӣ, волоияти қонун, ҳифзи манфиатҳои давлат ва халқи Тоҷикистон, таҳкими ваҳдати миллӣ, сулҳу суботи сиёсӣ ва ҳимояи арзишу дастовардҳои Истиқлоли давлатӣ, сарфаю сариштакорӣ дар тамоми соҳаҳои ҳаёт, назорати шаффофияту самаранокии хароҷоти маблағҳо ва истифодаи мақсадноки онҳо, чораҷӯӣ ҷиҳати риояи ҳатмии қонуният ва таъмини тартиботи ҷамъиятӣ, инчунин пешгирии шомилшавӣ ба ҳар гуна ҳаракату ҷараёнҳои тундрав, мубориза ба муқобили ифротгароиву хурофот ва ақидаву андешаҳои ифротӣ, аз таъсири фарҳангу мафкураи бегона ҳифз намудани фарҳанги миллӣ баррасӣ гардида, тавсияҳои мушаххас пешниҳод карда мешавад.
Маҳз бо дар назар доштани ҳидоятҳои пайвастаи Президенти Ҷумҳурии Тоҷикистон, Пешвои миллат, муҳтарам Эмомалӣ Раҳмон доир ба моҳияти аслии иду ҷашнҳо ва суннатҳои неки ниёкон бо кормандон суҳбатҳо гузаронида мешаванд.
Аз ҷониби Кумитаи иттифоқи касабаи кормандони институт дар давраи рухсатиҳои меҳнатӣ як қатор кормандон ба «Осоишгоҳи Хоҷа Оби Гарм», «Осоишгоҳи Зумрад», «Осоишгоҳи Баҳористон», Осоишгоҳи «Сатурн (SATURN)», ҶДММ «Маркази ташхисӣ ва табобатии Дармонбахш» ва дигар осоишгоҳҳо барои истироҳату табобат равон карда шуданд. Инчунин дар ин давра ба Мактаб — интернати ҷумҳуриявии кудакони ятими ноҳияи Ёвон ва муассисаи давлатии хона — интернати пиронсолон ва маъюбони ноҳияи Ёвон кумакҳо расонида шуданд.
Ҳарсола кӯдакони аз синни 7 то 13- солаи кормандони институт бо дастгирии Ҳукумати Ҷумҳурии Тоҷикистон, Иттифоқи касабаи Комплекси агросаноатии Тоҷикистон ва Кумитаи иттифоқи касабаи Институт ба лагерҳои тобистона барои истироҳат равон карда мешавад.
Бо қарори Кумитаи иттифоқи касабаи Институт ба як қатор кормандони ниёзманд дар арафаи ҷашну идҳо ёрдампулиҳои якдафъаина дода мешавад.
Аз тарафи кормандони Кумитаи иттифоқи касабаи Институт якчанд маротиба чиптаҳо харидорӣ шуда, ба кормандон ройгон тақсим карда шуда, кормандон дар сирки давлатӣ, шабҳои эҷодии шоирону нависандагон, консертҳо ва барномаҳои фарҳангӣ иштирок намуданд.
Бо шукронаи соҳибистиқлолӣ ва эҳёи суннатҳои миллӣ аъзои Кумитаи иттифоқи касабаи институт ҷашни Сада, Иди байналмилалии Наврӯз, ҷашни Меҳргонро бо шукуҳу шаҳомат ҳар сол ҷашн мегиранд.
Кумитаи иттифоқи касабаи Институти тибби ветеринарии Академияи илмҳои кишоварзии Тоҷикистон дар ҳамкорӣ бо Иттифоқи касабаи Комплекси агросаноатии Тоҷикистон барои баланд бардоштани сатҳи некуаҳволии кормандон пайваста саҳмгузор мебошад.